又有新闻之花离巢！马琛沂最后1次报天气
TVB“出产”过唔少索爆新闻主播，全部都系女神级，不过近年有唔少“新闻之花”都相继离巢，包括李文欣、赖凯靖、赵慧奈、袁思行等，而寻日（1日）原来系索女主播马琛沂（Ellen）最后一次喺无綫报天气啦，佢喺晚间天气报告开场时话：“马琛沂最后同你睇天气。”喺结尾佢就话︰“天气讲到呢度啦，感谢大家支持，再会。”正式同观众讲再见！
拥有甜美外表嘅马琛沂同袁思行、赖凯靖被封为新进嘅“3大新闻之花”，但系上年赖凯靖已离巢、而喺今年2月，袁思行离巢嗰阵，马琛沂有喺社交网晒出同对方嘅合照送上祝福，估唔到依家就轮到佢自己离开，“3大新闻之花”相继离巢，令到网民大叹好可惜之馀，仲话无綫新闻女主播嘅平均颜值下跌咗呀！
