TVB爆离巢潮？传单文柔完约有新开始 自爆有计划︰我安排紧啲嘢
无线艺人余德丞和「御用医生」之称的郭田葰同样在5月1日的凌晨公开自己离巢的消息，TVB一日内流失两位艺人。而有传陈展鹏的太太单文柔（Phoebe）亦完约，结束与TVB的合作。另外，Phoebe因为在周日（1/5）凌晨于IG出po标记了「新开始」三个字，更令传言「似层层」。
HK01记者向Phoebe查询，她未有承认事件，但就表示有收到不少人的查问，她透露自己的确有些新计划，「我差唔多呢3年生咗Quinta之后，我自己都比较少做幕前嘅嘢，我都有返公司，有时帮手做嘉宾嘅形式或者有啲节目我都会去客串吓，的确嚟紧我自己都会有啲新嘅安排，同埋有啲planning，因为我觉得始终都两、三年，小朋友开始长大，上紧轨道，有啲嘢我都想安排吓，之前真係最主要以家庭同埋小朋友为主，咁我自己係有啲谂法同埋计划嘅，但係安排紧，如果到时係可以同大家share嘅时候，我就再同你哋讲啊！」
被问到与TVB的合约安排时，Phoebe未有明确回答，只强调有自己的安排，「我都安排紧啲嘢，不过就真係唔方便讲住。」她透露有好多人都问她关于IG po「新开始」一句的事，她说︰「个post其实唔关任何嘢事，其实係咁啱有少少product嘅内容係关于一个新开始，同埋嚟紧母亲节，同埋我见到咁啱有新闻关于其他艺人离开TVB，所以就令人哋联想咗呢件事。」她强调︰「我自己真係安排紧一啲嘢，所以等我安排咗先啦！安排咗可以大家share先讲，因为我都唔想有任何嘅误会。」
有关之后会否在TVB有工作，或者将来的路向，Phoebe强调因为小朋友开始长大，自己也要重新计划，「因为小朋友都真係开始大个，无论我再生多个又好，或者係我喺工作方面都好，我自己都想去沉淀吓。同埋而家我希望可以多方面嘅发展，可以尝试到唔同嘅嘢，因为始终呢几年我自己又冇拍剧，或者冇其他好多嘅幕前工作，都係一啲online嘅工作比较多，所以我觉得係咪有啲嘢适合自己呢！」
至于之后的发展路向，Phoebe就坦言其实这个年代幕前与网上的工作很多时也分不开，如果是拍片分享的话，其实也难分幕前与幕后，「我觉得係试囉，真係可能by project咁样去做。」她又笑言︰「我而家都真係安排紧，我亦都冇谂过咁快有人问我，因为真係个post我唔知点解大家会联想到嗰样嘢。」
