余德丞离巢1日即开新工 过档商台拍住郑裕玲开咪
艺人余德丞（Dickson）日前突然宣布离巢TVB，唔少人都好关心佢嘅去向，估唔到离巢仅1日佢就即刻返新工，佢仲拍片开估，原来系转战商台，为郑裕玲主持嘅节目《口水多过浪花》担任客席主持，郑裕玲同一班DJ仲买定蛋糕，欢迎Dickson加入！
佢坦言做DJ开咪相当紧张，压力仲大到爆疮，佢表示：“平时我真系口水多过浪花，但我去到《口水多过浪花》，就一滴口水都冇，因为好紧张，好惊讲错嘢，做节目同平时吹水完全系两回事。”
佢又自爆原来早喺11年前大学毕业时，已求职商台想做DJ，但由于写求职信时，串错对方姓氏，相信因此不被取录，依家好庆幸相隔11年，终有机会一尝喺大气电波开咪嘅心愿。唔少圈中好友都送上鼓励，而同属商台嘅森美亦留言欢迎佢加入。
