剧集播出预受靶！朱智贤悔对“烨”缘 绝不重蹈覆辙
TVB小花朱智贤（朱朱）有份演出的TVB剧集《食脑丧B》近日播出，剧中的朱朱性格硬净，在外是女强人律师，在内是撑起整个家的长女。虽然朱朱自言本身性格软弱，跟剧中角色相去甚远，但事实上她比自己想像的要坚强。
2年前她与人夫黎振烨因拍摄《食》剧而挞着，备受千夫所指，事业及形象插水。2年后的今天她已重新出发，敢于面对剧集播出后的舆论：“我有心理准备会有声音，系有少少压力，控制唔到其他人讲乜，惟有自己睇开啲。（会唔会睇番套剧？）会！想睇番自己演技。我都Move On咗，做人要向前看，唔可以望番转头。面对唔到点喺呢行立足。”
与谢东闵感情更深厚
朱朱称事件发生后，当下恍如世界末日，全靠做运动及看书走出情绪困局。这段期间，除了家人无条件支持外，还有男友谢东闵的默默陪伴：“佢唔系会宣之于口嘅人，但会行动上同我一齐行山、做运动，佢话做运动个人就会开心同正面啲。（感情深厚咗？）一定会，有经历先知有几稳固，情侣间有时为好小事就闹交，呢件事令我觉得所有问题都只系微不足道。（反过来会唔会做到咁包容？）都会原谅对方，但可能要长啲时间去消化，佢系一个容易放下嘅人。”她称2人现时感情稳定，但仍未有结婚计划，希望先在事业上打拼。
经过今次事件，朱朱称最大得着是找回以前的朱智贤：“我本身讲嘢好直，入行后环境令我唔敢讲嘢怕得罪人，个人好压抑，失去自己咁，冇工作嗰段时间，做番好多自己想做嘅嘢，见多咗朋友。”
除了家人与男友，她感激肯给她机会的每个人，承诺会好好珍惜，不会重复犯错：“当然后悔，对我事业同人生影响好大，我亦因为呢个经历而突然成长。（感情上警惕自己？）一定会，得到咁大个教训，仲学唔识就有问题。”
