全城竞猜︱江嘉敏爆被TVB小生追 线索系对方姓氏好特别
最近无綫剧《食脑丧B》热播，担正女一嘅江嘉敏，近日接受由林柏希主持的网上节目《月倾会》访问。27歳的江嘉敏于2016年加入TVB，围绕她有不少负面报道，传过不和、搞人夫、游船河事件等，问她觉得大众对自己有甚么印象？她直接说：“是非精啰！其实我觉得呢一样嘢，我系有少少唔开心嘅，因为自己性格冲动啦，总之有好多嘢加埋，变咗观众focus就系佢好多新闻、好多是非，江嘉敏就系等于负面啰！出到嚟会扼杀咗我哋背后有几努力付出！”
最近江嘉敏与圈外男友、有米电竞高层Anthony分手，她直言：“（分手）几个月啦！其实我哋冇好明确地话分手，我相信都存在咗好多问题，我觉得我喺呢段关系，学到嘅嘢就系要沟通！（喊咗几耐？）梗系有唔开心啦，因为始终都3、4年，（喊咗）个几、两个月，好长㗎，大家一齐嘅时候都长㗎！”
江嘉敏去到重头环节“大胆答 冇胆食”，林柏希今次预备了女方最怕食嘅酸瓜，不敢答就要食呀！林柏希问江嘉敏，有冇同圈中艺人拍过拖？江嘉敏秒答：“绝对没有！因为我自己做呢一行，我觉得如果同圈中人拍拖，可能倾嘅嘢会好闷啰！”
至于有冇男artist或者知名人士追过她？江嘉敏犹豫了一阵，都系决定大胆承认有：“佢好Sweet嘅！（后生定老㗎？）后生，真系好Sweet嗰喎，但系嗰排我未系一个适合状态拍拖，所以我唔会同佢一齐啰！佢作咗一首歌畀我，跟住佢仲拍咗个MV畀我，系咪Sweet呀，我由懂事以来系未经历过一啲咁Sweet嘅嘢㗎！佢唔系歌手，但系佢好有心机地，用咗我个名去作咗一首歌，将佢想讲嘅嘢，写晒首歌入面啰！”至于是否电视台演员？她则表示：“哈哈哈，唔讲得……系我哋公司嘅！”江嘉敏透露对方个姓氏不普通，并说：“佢斯斯文文青靓白净！（未做到男主角住？）努力紧嘅，佢好鬼温柔㗎！”
根据江嘉敏提供的线索，非一线、姓氏不普通而又曾跟江嘉敏合作过的男艺人，有指余德丞、许家杰、伍允龙、丁子朗等都成嫌疑人物，不过，江嘉敏就话绝对不会透露对方是谁。
对谢霆锋古天乐心动
谈完爱情，谈番工作，问有没有边个男、女artist，呢一世都唔想再合作？江嘉敏就说：“女暂时未有！有个男artist，我系可免则免嘅，原因系大家合作过，我嗰时仲系好新，但系要做嘅（角色）太heavy，咁啱佢嗰个角色，就系要活喺自己世界里面！尤其我哋系partner，沟通真系好重要，我又咁新，我又唔知点样去处理咁heavy嘅情绪，跟住你又喺你自己世界里面，我同你讲嘢，你就会（唔理），沟通几乎系零！”之后再问有冇边一位男演员，拍档过或者未拍档过都好，曾经心动过？她则说：“我想拣谢霆锋同古天乐！谢霆锋嗰阵有套戏好鬼有型，古天乐又型喎，然之后我就喺度幻想，话我想做佢个女或者女朋友，我成日都系咁谂嗰阵！”
着得乌歪被珍姐叫入房
讲到电视台到底有冇擦鞋文化，有冇送过礼物畀TVB高层曾励珍以及乐易玲？她说：“我从来都冇做过。（一份礼都冇送过？）有时新年，我会买啲贺年食品，但唔系净系送畀佢两个啰！”江嘉敏眼中呢两位女高层系点？她说：“我想用一个字去形容佢哋两个添，严厉！珍姐（曾励珍）见到我好乌歪又唔化妆唔梳头返工呢，佢会离远，江嘉敏下嘛，入嚟，我话，吓，做乜事呀，跟住就入去啦，知自己系个artist呀，我话知呀，知呀，点解要着Leggings嘅你，你一阵去减肥呀？！Leggings系做运动先着㗎嘛！”
对于今年有几套剧排住队播，被问到有冇谂过颁奬礼有机会攞奬呢？江嘉敏笑言：“呢个moment如果你问我，咁多个奖最想攞咩，一定系飞跃进步，因为我想观众同我一齐成长之馀，系睇到我进步！”
由《亲亲你好妈》到依家嘅《食脑丧B》，江嘉敏都遇上拍档何广沛同郭子豪。江嘉敏点样评价这两位男神呢？她则指何广沛是一个好好的大哥哥，郭子豪则是一个“典型以为自己系好靓仔”，但都是一个女人。
