婚后幸福肥！陈诗欣升Cup透视事业线
“3日2夜”女神陈诗欣（Eunice）身材一向都好Fit，不过做咗人妻之后，佢承认肥咗好多，早前佢着咗件吊带背心去叹茶，肥到升Cup，难怪被笑幸福肥，应该系有老公陈尔正疼锡，日前佢悉心扮靓，着上一条白色透视连身裙，胸前“事业线”若隐若现，佢拎住个小手袋，去食一间融合中式及法式嘅料理，贵气十足。
网友都赞佢白雪雪靓爆镜，不过有网友留言：“陈小姐，多点陪下老公”，似有点不善，可能Eunice平日甚少上载与圈外老公合照，因为佢深知老公个性低调，所以好少放闪，其实当日佢就是跟老公撑枱脚，她将合照放在限时动态上，并写上：“真系唔激我先至好”，莫非陈尔正激亲老婆，不过见到两人揽到实头贴头咁恩爱，相信都系打情骂俏居多。
