江嘉敏爆曾被TVB小生拍MV示爱 透露男方姓氏特别：斯文青靓白淨
《食脑丧B》热播，担正女一嘅江嘉敏为林柏希主持节目《月倾会》做嘉宾。江嘉敏表示现时最想得到的奖项是「飞跃进步」：「呢个moment如果你问我，咁多个奖最想攞咩，一定係飞跃进步，因为我想观众同我一齐成长之馀，係睇到我进步！」
由《亲亲你好妈》到依家嘅《食脑丧B》，江嘉敏都遇上拍档何广沛同郭子豪。江嘉敏怎样评价两位男神呢？她说何广沛是一个好好的大哥哥，「起初会觉得佢好鬼chok，因为佢永远都係行出嚟一副好完美男神嘅形象，佢到依家都係㗎！后尾相处落，我就觉得佢係一个好窝心、好愿意分享嘅一个大哥哥！」更爆料说：「佢成日觉得自己係好靓仔，哈哈哈，咁which is佢真係靓仔嘅！」至于郭子豪，她坦言：「佢真係典型以为自己係好靓仔嗰啲，哈哈哈，死啦死啦，得罪咗佢添！佢係一个好男人，绝对係一个好好嘅男朋友，佢真係一个好锡女朋友嘅人，呢个真係几加分嘅！」
传搞人夫陷崩溃 分手有米男友喊足2个月27歳江嘉敏2016年加入TVB，围绕佢嘅新闻是非不少，传过不和、搞人夫、游船河事件等，林柏希问及觉得大众对她有什麽印象？江嘉敏答得直接，说：「是非精囉！其实我觉得呢一样嘢，我係有少少唔开心嘅，因为自己性格衝动啦，总之有好多嘢加埋，变咗观众focus就係佢好多新闻、好多是非，江嘉敏就係等于负面囉！出到嚟会扼杀咗我哋背后有几努力付出！」
拍《兄弟》一剧，传出和男主角人夫王浩信的绯闻，一度令江嘉敏崩溃，「拍《兄弟》嘅时候，有我人生第一篇嘢，是非啦，即係头条新闻，嗰个moment我係应付唔到，我好记得嗰个moment我就衝咗上去监製间房，我同佢讲话我唔想再拍呢套剧喇，因为我唔识得点样去handle呢一个是非！嗰排情绪唔稳定到，我话依家要喺TVB天台度跳落嚟，后尾阿聪即係张继聪，同埋阿Joe监製，佢哋打嚟，大佬其实好小事㗎咋，呢一行，有边个係未经历过呢一个moment，其实到你大个睇返转头，呢个係一啲好皮毛嘅事！」
最近传出与圈外男友Anthony分手，江嘉敏直认单身，说：「（分手）几个月啦！其实我哋冇好明确地话分手，我相信都存在咗好多问题，我觉得我喺呢段关係，学到嘅嘢就係要沟通！」喊咗几耐？「梗係有唔开心啦，因为始终都三、四年，（喊咗）嗰零两个月，好长㗎，大家一齐嘅时候都长㗎！」
斯文男星作歌拍MV示爱狂追去到重头环节《大胆答 冇胆食》，林柏希问江嘉敏有没有试过和圈中人拍拖？江嘉敏秒答：「绝对冇！因为我自己做呢一行，我觉得如果同圈中人拍拖，可能倾嘅嘢会好闷囉！」有没有男艺人或者知名人士追过你？江家敏犹豫了一会，说：「佢好sweet嘅，（后生定老㗎？）后生，真係好sweet嗰喎，但係嗰排我未係一个适合状态拍拖，所以我唔会同佢一齐囉！佢作咗一首歌俾我，跟住佢仲拍咗个MV俾我，係咪sweet呀，我由懂事以来係未经历过一啲咁sweet嘅嘢㗎！佢唔係歌手，但係佢好有心机地，用咗我个名去作咗一首歌，将佢想讲嘅嘢，写晒首歌入面囉！」电视台演员？TVB嘅？「哈哈哈，唔讲得…係我哋公司嘅！」江嘉敏又透露对方姓氏一点也不普通，说：「佢斯斯文文青靓白淨，（未做到男主角住？）努力紧嘅，佢好鬼温柔㗎！」
根据线索，姓氏不普遍而又和江嘉敏合作过嘅男艺人又非一线艺人，又只得余德丞、伍允龙、丁子朗同胡㻗几位。究竟是谁？江嘉敏始终没有告诉林柏希。
问到有哪位艺人是「呢一世都唔想再合作」？江嘉敏就话：「女暂时未有！有个男artist，我係可免则免嘅，原因係大家合作，我嗰时仲係好新，但係要做嘅（角色）太heavy，咁啱佢嗰个角色，就係要活喺自己世界里面！尤其我哋係partner，沟通真係好重要，我又咁新，我又唔知点样去处理咁heavy嘅情绪，跟住你又喺你自己世界里面，我同你讲嘢，你就会（唔理），沟通几乎係零！」林柏希似乎估到答案，她说：「套剧两个字嘅！」
锺意霆锋古仔 珍姐、乐小姐好严厉林柏希再问江嘉敏，有没有哪一位男演员，拍档过或者未拍档过都好，曾经心动过？江嘉敏说：「我想拣谢霆锋同古天乐！谢霆锋嗰阵有套戏好鬼有型，古天乐又型喎，然之后我就喺度幻想，话我想做佢个女或者女朋友，我成日都係咁谂嗰阵！」
讲到电视台到底有冇擦鞋文化，有没有送过礼物给珍姐同乐小姐？她回答：「我从来都冇做过，（一份礼都冇送过？）有时新年，我会买啲贺年食品，但唔係淨係送俾佢两个囉！」江嘉敏眼中两位女高层是怎样？她说：「我仲想用一个字去形容佢哋两个添，严厉！珍姐见到我好乌歪又唔化妆唔梳头返工呢，佢会离远叫我：『江嘉敏吓嘛，入嚟。』我话：『吓，做乜事呀。』跟住就入去啦，佢话：『知自己係个artist呀吓。』我话：『知呀，知呀。』佢又话：『点解要着leggings嘅你，你一阵间去减肥呀？leggings係做运动先着㗎嘛！」
