周秀娜拍打戏周身伤 攞正牌同黄宗泽捉手仔
艺人黄宗泽、周秀娜与朱鉴然，日前在天水围一个货仓内拍摄新剧《叠影狙击》，当中不乏开枪及追逐场面。Chrissie更打女上身，以腿箍实剧中的反派，不过有苦自己知，Chrissie因连场动作戏而触发左膝旧患，要在膝盖以下位置戴上保护箍，休息时要按摩双脚及换上波鞋以减轻痛楚。
她表示：“我个角色系特警，所以身手要好敏捷，唔止有好多动作场口，就算冇动作戏都要跑来跑去，每次有动作戏对脚就会痛，我著平底鞋行楼梯都要扶住行。其实剧组安排咗替身畀我，但我会自己试咗先，如果做到都会亲身上阵。”
除了脚伤，Chrissie饱受皮肤敏感煎熬，全身痕痒难耐，她说：“我之前痕到又头晕又唞唔到气，起咗几次身都起唔到，所以要停工去睇医生，痕到瞓唔到，企又唔系坐又唔系，好想快啲搵人杀咗我。不过我只系全身敏感生粒粒，但块脸就冇事，导演话我真系天生食呢行饭，我话如果我连块脸都生埋粒粒就好，可以休息。之前几日已经好番好多，但近日又再复发。”
至于好拍档Bosco与Chrissie同病相怜，他透露：“我同佢一样都系左膝有事，佢皮肤敏感，我呢几日都皮肤敏感，佢就生喺个身，我就喺块脸，因为大家日前去咗一个废置嘅建筑物拍摄，嗰度好大灰尘。”又指自己今次攞正牌去捉实Chrissie手仔：“佢不停咁𢱑痕，我就成日捉住佢对手唔畀佢𢱑。”另外，提到他获得纽约电影电视节“最佳男主角”优异奖，他称想不到会在国际影视界夺得这个殊荣，非常开心，笑指要叫朋友请他食饭庆祝一番。
