黄翠如返港隔离 萧正楠酒店楼下示爱变痴汉
艺人黄翠如早前撇甩老公萧正楠，飞到马来西亚工作顺道同好姊妹吴天瑜敍旧，离开咗一个多月，近日翠如终于返港，适逢日前（5日）系佢同萧正楠嘅结婚周年纪念日，虽然佢身在酒店隔离未能亲身同老公庆祝，不过身为廿四孝老公嘅萧正楠就好识做，去到隔离酒店楼下嘅公园，隔住玻璃说爱你，而翠如亦喺高空拍下老公嘅身影，并冧爆表示：“确认咗，这一粒，我老公。”阿萧就笑言：“公园嘅人以为我系痴汉。”
另外，萧正楠亦喺社交网放闪，贴出2019年与翠如于峇里举行婚礼嘅靓相，并留言指：“某年某月某日，某个女生很美。”再施冧功凼老婆。
