李亚男晒童年照报母恩 被笑同细女撞晒样
艺人王祖蓝同太太李亚男婚后育有大女王天韵（Gabby）同细女王海静（Hayley），趁住母亲节，李亚男贴出细细个同父母嘅全家福，感谢妈妈嘅付出同爱，而童年嘅佢短头发兼有刘海，几咁可爱！不过网友就发现，佢同细女Hayley真系撞晒样，虽然佢自己都曾经上载过母女对比图，不过今次再睇，真系直头100% Match，睇到网友错晒重点。
而李亚男就留言感谢妈妈，话自己会一直学做妈咪同一个好囡囡，非常温馨：“祝母亲节快乐🌹❤️谢谢妈妈的爱和付出，多谢你一路为我操心。做咗母亲后先感受到一啲都唔容易。I will keep learn to be a better daughter and mother ❤️”
