陈凯琳忘形陪囝囝放电 郑嘉颖亲自喂食蛋糕慰劳
“KOL天后”陈凯琳出名系廿四孝妈妈，今日（8日）母亲节，佢未有大肆庆祝，反而选择陪两个囝囝去玩，一年一度嘅大日子都以囝囝行先，母爱认真伟大。老公郑嘉颖喺社交网大晒多张靓相，见佢哋一家四口去到室内儿童游乐场，两公婆一人抱一个合照，画面温馨。
玩滑梯放电都未够，佢哋仲去到室外玩水，搞到湿晒身都在所不计，最紧要囝囝开心，不过郑嘉颖都相当识做，亲自喂食蛋糕，慰劳老婆。陈凯琳又表示成为人母后，反而喺囝囝身上学到重要嘅一课，就系保持童心，喺小事中搵到快乐，享受当下。
