个唱数度叫停 工作狂AGA变做乖乖女陪父母
歌手江海迦(AGA)为TVB娱乐新闻台节目《StarTalk》任嘉宾，大谈数度面对红馆个唱延期及取消的感受，坦言虽然感到无奈，但已调整好良好心态：“之前歌迷好好帮我集气，成个团队嘅热诚令我好感动，所以之前未到最后一刻仍然坚持做彩排。依家再做会重新入纸，希望喺一个最好嘅时间送个演唱会畀大家。(当时传情绪出现问题？) 我好OK，其实一早同公司拎咗大假，谂住开完演唱会之后陪屋企人，因为本身父母由澳洲返嚟睇我演唱会。我觉得今次系因祸得福，因为真系两年冇见过佢哋，我系一个工作狂，之前错过好多时间，又牺牲同家人嘅时间，所以要好好珍惜，所以同公司讲暂停宣传工作，想Focus喺家人多啲！做番个女过慢活生活，可以同父母饮咖啡坐一个下昼都好开心。”
谈到明年便出道10年，AGA认为一直放弃的信悠令自己很自豪，皆因年幼时很多时都是三分钟热度，更指多年来为自己创作歌曲实在感压力：“有好多音乐人写到第3、4只碟，可能会遇到樽颈，不过我好好彩，感恩一坐低又可以写到，一坐低又有灵感。”
