陈晓华讲妈咪即爆喊：我哋会嗌交同好少讲嘢
前港姐冠军陈晓华（Hera）、黄嘉雯、杨卓娜与老公及女儿等，现身TVB节目《日日妈妈好》分享与母亲的相处点滴，Hera透露与妈咪关系较为特别，因二人均为“爱在心里口难开”类型，笑指受到其他嘉宾开心经历感染。
她甫开口讲妈咪即流下大滴眼泪：“可能你哋同妈咪系好好朋友，咁我同妈咪好少讲嘢，但我哋好关心对方，好似韩剧咁，有时嗌交会嗌得好劲，但又要喊晒揽番住和好。我哋唔系揽头揽颈嗰啲、又或者会倾好多偈嗰啲，我哋系唔出声但会好关心对方嘅关系，加上入行之后，妈咪好担心同我讲得多会变咗压力，所以变得更加少同我讲嘢。”
虽然如此，但Hera指最爱与妈咪一起睡午觉：“因为妈咪有啲肉地、好好揽，所以我好锺意揽住佢，我哋Keep住都系静啲。”
有3名女儿的杨卓娜，其中两名是与现任丈夫杨志翘的继女儿，卓娜一直对她们视如己出，坦言与女儿们是好朋友关系：“我同小朋友除咗系好朋友，我会畀佢哋知我系佢哋妈妈，希望佢哋明白喺家庭入面妈妈嘅角色。我唔需要佢哋以后有咩回报，但想佢哋识得感恩，因为佢哋以后会有小朋友，佢哋要识得将呢份爱同孝义承传落去。”
她更笑指做了妈咪后，变得更重视母亲节，由于没有与母亲同住，故偶然会很想念母亲，还试过半夜流下思念的泪，她边哽咽忍泪边说：“有时我同阿妹通电话，因为佢同妈咪一齐住，我就好耐冇同我妈妈一齐住，呢啲时候就会好挂住妈妈，半夜三更会因为咁喊。”
