“东张女神”梁敏巧大爆港姐秘闻：有佳丽唔知八达通系咩
“东张女神”梁敏巧（Maggie）参加香港小姐入行，近日佢邀请同样参加过选美、ViuTV节目《广告女皇》的参赛者黄丹虹（Vickie），大谈选美秘闻，讲到佳丽之间嘅不和，Vickie表示节目嘅制作方式会刻意加深参赛者嘅矛盾，制作彼此互相批评嘅画面，但其实只系故意安排嘅节目效果。
至于Maggie直认选港姐时一定有人争镜头、争曝光率：“有啲女仔会同其他佳丽讲‘我呢边面靓啲’，有啲就借啲意就摄过嚟。大家纯粹做自己，冇我哋想像中咁aggressive，都比之前我睇开嗰啲新闻mild好多好多倍。好多无心嘅举动，系因为你喺个焦点底下就会畀人无限咁放大，所以我觉得系大家放大咗啲好不经意嘅动作，而唔系真系写到咁黑暗！”
而提到当年被指陪跑，Maggie坦言并不介意，因为参选只为见识多啲，并无争胜心，又指选港姐的确令佢见识到另一个世界：“我听过有啲女仔同我讲，佢嗰届啲佳丽系唔识搭巴士啦，唔知八达通系啲咩啦，唔剥皮唔知提子系咩，但系唔系佢哋嘅错，佢哋天生个家庭就系咁样，所以你要点样去同啲咁唔同嘅人沟通，同埋有时啲人咁唔同，佢讲啲嘢可能真系沟通唔到，因为佢哋唔明，所以你会觉得佢哋离地、扮嘢。”
