洪永城晒到“红都面晒”…

洪永城晒到“红都面晒”　黄翠如大赞：靓仔咗

艺人洪永城近期正忙紧为新节目《香港25个第一》进行拍摄，佢喺社交网上载自拍短片兼留言：“最新面罩，应该认唔到我，冇搽太阳油嘅后果 。”短片入面嘅佢左拧右拧，额头同两边面颊畀太阳晒到“红都面晒”，但口罩位置依旧青靓白净，似足戴咗个红色面罩一样，好笑得嚟又真系睇见都觉得痛。好友黄翠如同林溥来就留言笑佢“靓仔咗”，网友就留言笑佢似蝙蝠侠，不过面罩就由黑变红，亦有网友提醒佢要快啲搽芦荟同做保湿滋润一下。