同锺丽淇再见亦是朋友 梁荣忠人过半百唔讲爱情
久未有幕前演出的艺人梁荣忠，于港台剧集《狮子山下2022:得闲饮茶》自编自导自演兼任监制，虽然身兼4职，但笑言一份人工都冇：“因为放晒喺制作上先。（即系义工？）冇谂钱嘅，今次意义重要过收益，可以话系追求理想，呢套剧我都曾经参与过，依家呢套主题我又喜欢，个人比较喜欢人与人之间最简单嘅关系故事，反而动作戏我唔识拍。（辛苦？）一定有，但换番嚟系开心，所以好享受。”
谈到旧爱锺丽淇早前受访指与他再见亦是朋友，双方生日也会互相传祝福，关系不错，对此梁荣忠未有否认，但就不欲多谈：“对方有家庭，牵涉人哋嘅嘢就唔讲啦，我就冇家庭啫（咁你有冇另一半？）如果依家系40岁前都会好雀跃去讲，50岁以外嘅生活模式都定下，唔需要急，都嗰边近啦，反而系睇吓眼前有乜想做。（系咪更激烈以前都试过？）唔可以咁讲，每个人都有行过嘅路，但望前面啦！当下我想创作方面做多啲，想拍啲系列嘅剧集，当然系做幕后，今次得两集唔够喉。”
