苑琼丹与老公“分居” 称两公婆财政独立各有各搵
近年专注内地发展的苑琼丹（苑仔），日前其有份投资的超级市场开幕，苑仔未能回港参加开张仪式，但透过网络直播亮相活动，与其他股东齐齐切烧猪：“投资几钱做生意就唔讲啦，最紧要有冇‘钱途’，我睇好前景就夹份，疫情其间超市生意都好好，因为大家都留屋企食饭，睇准需求就有得赚，嚟紧我哋班股东会开拓自动贩卖机市场，希望都有作为。”
自从新年后北上发展，与老公数月未有见面，苑仔就表示不会叫老公帮手管理生意，并称两公婆财政独立“各有各搵”，她说：“有人问我係咪夫妻分隔两地，老公见唔到我太閒，所以开档嘢畀佢忙吓，傻嘅，我理得佢忙定得閒，依家我都忙到踢晒脚，仲搞啲咁嘅嘢？佢真係闷到发癫又挂住我嘅，咪嚟陪吓我囉，佢肯为我隔离，呢个就係爱嘅表现啦！”
