余德丞疫后首次踢波 网民担心再出事：量力而为呀！
余德丞（Dickson）离开TVB后，随即转战商台与Do姐郑裕玲合作做节目《口水多过浪花》主持，仲喺NowTV为担任足球旁述，工作一浪接一浪。最近佢就喺社交网拍片，分享自己嘅踢波日常，见佢喺球场跑嚟跑去，相当精灵活泼，仲非常开心，佢话：“以前小学嗰阵，就锺意踢硬地，人大咗怕受伤，依家连真草都唔踢，只系敢踢仿真草。”仲问大家有冇共鸣，非常搞笑。
而唔少网友都赞佢拍嘅踢波片好好睇，留言话：“平时好少睇日常踢波片，你既生动旁述同介绍令到我睇哂，又了解多左D，继续拍多啲片畀大家。”
不过都有唔少网友担心佢嘅身体状况，惊佢再次因突发性心律不正昏迷，仲留言：“虽然已经冇事，但系都小心啲，量力而为呀！”
