传麦大力弃上位 重返机长界赚200万年薪
TVB男神麦大力当年唔做机师，靠参加《冲上云霄大选》夺冠入行后，时不时就会喺电视机入面见到佢，仲识埋索爆女友简淑儿，不过有传现年36岁嘅佢，即使已签约成为TVB“亲生仔”，不过随新冠疫情放缓及各地通关，有航空公司最近邀请已离职嘅机组人员回巢，佢就系其中一个。
据知麦大力效力航空公司时已达机长级别，拥有10年年资计落至少有200万年薪，加上加入TVB后仲未有做主角嘅机会，就算成为资讯节目《港生活．港享受》主力，身价都比唔上做机师时丰厚，所以被指决定重操故业。
不过，麦大力已回覆自己唔系离开TVB，只系飞咗英国探家人，更透露依家已返香港隔离紧，好期待之后有更多Job接呀！
