余德丞考虑两年决意离巢：依家唔搏等几时？
33岁的余德丞（Dickson）离开TVB已一个月，对于外间的猜测，他表示：“其实成件事我考虑咗近两年，都担心（离巢）会冇嘢做。大家以为我冇经济压力，实情系屋企养到我咁大，点样可以唔拎钱返屋企？不过都去到呢个年龄，唔搏吓仲等几时！”
Dickson终踏出第一步，幸而工作洽商四方八面而来：“多谢大家嘅支持。（收入多过喺无线？）啱啱开始好难计，但起码工作上有自己嘅选择，自由好紧要。”
他又坦言已开始适应工作模式：“依家要早睡早起，早啲起身同客户联络及沟通，所以最迟凌晨两点就要上床，冇晒夜生活。”
原来Dickson儿时梦想是当DJ，所以有人找他与郑裕玲合作主持电台节目，即一拍即合。问到有否怕郑裕玲的气势？他说：“唔惊，佢反而畀好多意见我，提醒我工作上嘅嘢，例如要睇清楚合约等等。（有乜嘢目标？）代表作，唔一定系剧集，可能系主持到一个节目，人人都会谂起你。”
以刘思慕为榜样
回想当初对娱圈“冇兴趣”，25岁才正式入行，不过深信起步没有迟或早：“好似刘思慕咁，佢当初都拍戏拍到冇机会嘞，点知依家‘一击即中’。”另外，他于网络上载踢波短片，令不少网民担心其健康程况，他说：“我身体不知几好，好似基斯甸艾历臣（丹麦足球员）咁，佢喺球场晕低情况同我一样，依家咪踢紧英超！”
