连诗雅封口唔讲陈家乐：我比较被动！
歌手连诗雅（Shiga）今日现身拜神仪式，透露最近忙于拍摄与虾头主持的网上节目《丝打围炉》，她说：“以前我哋只会请女嘉宾，最近我哋开始请男嘉宾，第一男嘉宾就系火火，我哋倾咗4个钟，讲到声都沙，估唔到我出道12年依家终于被发掘原来我都可以做主持，虽然唔系好叻，但好开心，乜嘢年龄层都话有睇我嘅节目。”
问到拍拖，她以“私人事唔讲”作回应，至于问到会否请男友陈家乐做节目嘉宾？她说：“等节目组话事，我比较被动，暂时请网红先。（请家乐会尴尬？）由佢哋话事，我费事建议咁多，第一批想搵啲成熟、40几岁同结咗婚嘅男士。（你想唔想请佢做嘉宾？）等佢哋安排，我OK，我比较被动。（感情上都系被动？）我最大嘅问题系所有事都好被动。”
另外，Shiga表示很期待有份主演的剧集《旁观者》能早日推出，她说：“个角色系我入行以嚟最惨嘅角色，好多内心挣扎戏，又要畀人侵犯，好多喊戏。”
