钟柔美考完试即出关庆祝 跟江碧蕙学策骑硬晒軚
现年15岁嘅“声梦小花”锺柔美（Yumi），去年凭节目《声梦传奇》爆红，今年不但正式推出个人单曲《Breakin’ My Heart》出道做乐坛新人，又密密开音乐会、录节目等，不过早前佢就讲到明学业行先，唔会效法炎明熹休学，并自言担心考试唔合格，要“闭关”加紧温书恶补。
呢日，佢喺社交网透露终于考完试，即出关庆祝，不过就唔系一般行街食饭睇戏咁简单，而系去策骑，仲有香港首位华人女骑师江碧蕙亲自担任教练，见Yumi身穿白色Polo衫、头戴粉红色头盔，做足安全措施，虽然佢全程硬晒軚表现紧张，但过程亦感到相当有趣，仲多谢江碧蕙指导。
