玩道具令胡美贻受伤 方力申首开腔：医药费我出住先
艺人方力申（小方）陈明憙和米雪现身观塘，为港台微电影《出发2022》开工。戏中扮演中医师的小方以学生Look开工，获米雪赞冻龄。米雪透露今次与罗家英饰演夫妻，丈夫留医期间获“义工”小方帮助，变魔术凼他们开心。
记者打趣问小方是否平时追女招数，他说：“梗系唔系啦，追女仔系真心。（情路上你好失败？）梗系失败啦，依家惟有努力工作，原来女仔欣赏男仔有事业同有钱。”
早前拍摄节目，意外令拍档胡美贻受伤，小方终开腔说：“只可以话几时系意外，当时拍紧游戏节目，惩罚就会有一啲道具，我系攞紧啲道具继续玩，但唔系有意整伤佢。出事之后我即刻介绍整容医生、亲自陪佢去医院做手术，直至依家覆诊，所有费用都系我出住先，乐小姐（乐易玲）话如果Claim到保险会帮我分担。咁我都有同佢（胡美贻）保持联络，知道佢伤口已经好浅色。”
同邓丽欣保持联络
谈到旧爱邓丽欣日前亮相张敬轩演唱会，笑指当初“拣错人”，小方大方透露说：“寻日先见完佢，因为有朋友生日。大家又讲起呢个话题，佢同我讲‘你明嘅’，暗示都系做嘢先咁讲，其实呢几年我哋真系保持联络。（追番佢？）唔回应嘞，将来嘅嘢边话得埋。”
小方又表示林盛斌（Bob）当月老，经常想介绍异性给他认识：“佢成日畀啲三点式女仔相我睇，仲话呢啲几好，不过我为人好怕丑，冇正式约会过，佢可以继续努力。不过（三点式）只系佢喜欢啫，感情方面我相信心动嘅感觉。”
另外，米雪爱驹“虫草成名”日前为她赢得2百多万奖金，她表示：“尹佬（男友尹志强）生前锺意运动同欣赏赛马，绝对唔系赌钱嗰只，同埋马会不断做善事帮人，所以我哋锺意养马。依家我都仲有两只马，佢哋赢到奖金我会捐部分出去做善事，或者身边有朋友需要帮手，我都好乐意。”
