笑港姐“猪扒”即收律师信 林作向TVB宣战：仲有7日时间准备！
“抽水王”林作日前因发表“香港小姐9成系猪趴（扒）”一事，声称收到TVB律师信。而喺今日（1日）佢就喺社交网贴出电邮内容，内容指佢嘅言论影响TVB同艺人利爱安嘅声誉，仲话佢带有诽谤成分。
之后，佢仲喺贴文写到：“原来封Email里面有PDF！睇嚟TVB真系要吿我了。各位，我打唔打好？点回应好？摩拳擦掌，等你哋畀啲意见我！仲有7日时间准备。以下开放留言。”之后佢又话睇紧Johnny Depp同Amber Heard嘅诽谤案，攞下灵感。
而唔少网友都支持佢话：“打la，赢输呢个marketing都系无价”、“过来旁听学下野”、“摆明系比你表演既机会黎”。
对于向林作发律师信一事，TVB企业传讯部表示：“本台确实向林作先生发出律师信，暂冇其他补充。”
