陈凯琳感情零受伤 同旧爱做朋友郑嘉颖冇诈型
艺人陈凯琳（Grace）日前为其监制兼主持的明珠台节目《Love Matters》进行录影，请来艺员胡㻗及魏韵芝担任嘉宾。Grace透露是次话题围绕“新的爱情”，她坦言恋爱经验不多，幸感情路上从未受过伤害：“分手都系因为唔夹，冇试过因为第三者分手。同前度都会做到朋友，但唔会成日搵，我都要尊重另一半。”她指老公郑嘉颖也知情，亦不介意她跟旧爱做朋友。
Grace表示拍毕该节目后，紧接会主持另一个新节目：“我同老公讲，唔会对收视抱好大期望，当系累积经验。（会唔会做新节目监制？）唔会喇！因为个节目几大规模，要花好多时间去筹备。（你依家进军主持界？）公司知我难抽时间拍剧，做主持时间弹性啲。”
魏韵芝爆前度偷食
另外，魏韵芝自言所有前度都是好人，大家再见亦是朋友，只有一个例外，因当时对方有第三者而导致分手。至于胡㻗则自爆仅拍过一次拖，并由他主动提出分手：“我哋拍咗拖5年，当年我好细个，冇乜经验，想去识多啲唔同嘅人，于是好坦白咁同个女仔讲。”
