饮恨舞台剧剧后︱黄智雯：睇人攞奖都开心！
艺人黄智雯（Mandy）凭《超自然之恋》首次提名第30届香港舞台剧的最佳女主角（喜剧/闹剧），昨晚（1日）举行颁奖礼，但最终空手而回。Mandy刚由内地拍毕剧集《隐娘》返港：“套剧之前预计6月初先拍完，但提早咗煞科，好开心可以赶得切出席呢个颁奖礼，今次系我第一次提名舞台剧女主角，心情好兴奋，我开心到瞓唔着，我一直好恨出席呢个颁奖礼，无论做颁奖嘉宾或者表演嘉宾都好，今次可以成为座上客觉得好荣幸，今年好多舞台剧前辈同我一齐提名，作为新丁我好开心。”
Mandy称对获奖与否没有压力：“个心情系享受个骚，就算睇人攞奖都开心。（冇争视后咁紧张？）心情唔同，我喺舞台剧方面好新，而提名嘅对手都系出色演员，所以我系又惊又喜，攞奖只系Bouns。”她坦言一直想多演舞台剧，她在提名的舞台剧中饰演机械人，既要模仿机械人动作，又要跳舞及讲法文，跟对手更有不少亲密接触，挑战不少，她称该剧公演时正值疫情期间，欣赏的人数有限，故希望有机会重演。
Mandy透露稍后要补拍剧集《隐门》的戏份，七月就再开拍新剧。讲到拍摄《隐娘》，她开心可以跟中港台三地艺人合作，包括杨谨华、秦岚及谭俊彦，机会难得，大家在拍摄以外不时会交流养生及Keep Fit心得：“我都好期待剧集快啲播出，我喺香港从来冇正式拍过古装，今次系第一部，我喺内地演古装，返到香港变番现代人，觉得自己好似穿越咁。”
而潘灿良亦有出席颁奖礼，提到他有份演出的剧集《冥冥之中》最近开播，他称也有捧场：“导演叫我记得睇第一集，唔好太迟睇，原本我个角色系第21集先出场，因为导演喺剪接方面做咗啲安排，所以我第一集一开始就出场，都几惊喜。”
但对于不少网友指不明白剧集内容，他坦言：“我当初都花咗好长时间去理解个剧本，唔系咁简单，因为有好多唔同维度，要花好多时间去理解，唔系用开脑嘅观众要花好多心机去睇。（担唔担心观众会弃剧影响收视？）相信唔同剧有自己嘅观众群，观众会拣自己锺意嘅口味去睇，咁样都好正常有啲锺意思考嘅观众可能好陶醉，睇一次唔够要睇多几次添！”
