星岛网：独家丨尹诗沛想做田蕊妮2.0 靓女做唔到转攻性格演员
尹诗沛(Nicole)于刚播毕的TVB剧《十八年后的终极告白2.0》中非常抢戏，获网民力捧做“女一”。Nicole唔敢谂太多，认为循序渐进最好，更庆幸新剧《童时爱上你》中演绎由头带到尾嘅角色，觉得演员路又行前一大步，她希望向性格演员目标迈进，有朝一日可以成为另一个田蕊妮及苑琼丹。採访：方骞平 摄影：梁比利 髮型：Kevin@Giho 服装：BE/NOTABLE
尹诗沛入行已12年，于新剧《童时》中终于有个固定角色，剧中演无知嘅千金小姐。以往她演过嘅角色都好爆，除咗喺《十八年后2.0》做灵媒及假扮大肚婆；《金宵大厦》中演同性恋舞女“芳芳”；仲有《一笑渡凡间》“冬瓜娇”等。提到演艺生涯，Nicole最印象深刻係演《十八年后的终极告白》嘅“猪肉婆”。
最难演猪肉婆
Nicole坦言猪肉婆好难演，“因为未知能否揣摩到角色，当时有好深感受，每拍一场戏都要Keep住低落情绪，拍完之后有一段日子好唔开心。”至于拍摄《十八年后2.0》，Nicole都做咗好多功课，“为扮假大肚婆增肥10磅，又参考谢雪心及罗兰姐问米表情，其实做演员最开心可以做啲平时做唔到嘅嘢，有机会体验人生。”
另外，Nicole又唔介意做配角，觉得更加能带动剧情，问到目标係咪想成为已升做女一的陈自瑶？她说：“陈自瑶做乜都叻，但我冇得做靓女，反而想好似阿田及苑仔做性格演员。”对于观众给予大量鼓励，她形容感觉实在，自信心都返晒嚟，父母亦为她高兴。
