星岛网：洪永城囡囡疑受尘螨致双眼红肿擘唔开 Inez否认遭责备出Po贺结婚1周年
梁诺妍（Inez）日前在活动上，透露囡囡“洪宝宝”疑受尘螨影响，引致双眼及面部红肿，严重到“对眼肿到擘唔开”，吓得Inez立即将囡囡的病况转告身在内地工作的洪永城，Inez自爆“我俾佢闹呀”，最后将原本已搬到新屋的两部空气清新机放回家中，囡囡的皮肤问题亦得以改善。
“俾佢闹”可能只是夫妻耍花枪，但却引起网民热烈讨论，指Inez留港独力照顾囡囡，洪永城不应该闹老婆。Inez今日在IG 限时动态则为老公讲好说话，连出多个post，重申老公没有大发雷霆。
她写著：“可能大家误会咗，佢个"话我"係提点我叫我攞返部空气清新机返嚟。That is it.呢位爸爸一直都做得好好，I am very proud of you！俾人误会我都唔紧要，误会佢我真係要平反下。”、“佢都冇责备我疏忽，更加冇大发雷霆，多谢@guruhung 一直陪伴我解决问题。利申：佢一直都係一个理性+脾气好的人。多谢大家关心，洪宝宝好快已经有事啦，我日日都出洪宝story，大家都睇得出right？”
而今日亦是洪永城和Inez的结婚1周年纪念，Inez留言冧老公：“11/7 结婚一周年快乐，我和洪宝和Molly（狗仔）爱你唷”。洪宝宝的最新影片中，见她一朝早就玩骰仔兼唱歌仔，笑容满脸，似乎已经好番晒！
