明报OL：回归｜汪明荃客串令拍摄更顺利 监制︰大家更集中精神
TVB剧集《回归》昨晚的剧情讲述汪明荃（阿姐）饰演的“大湾区青年创业比赛”永远荣誉会长锺慧芬，逮到区家健（周嘉洛饰）、凌巧瑶（陈嘉慧饰）、陈智斌（林正峰饰）及关东海（林智乐饰）迟到。当区家健要求网开一面时，阿姐即义正词严训斥他们︰“规矩定咗出嚟就要遵守，如果对你哋破例，对其他守时嘅参赛者咪好唔公平？守时係做人处世最基本礼貌，一个冇时间观念嘅人亦好难创业成功！时间观念係人嘅责任感、个人信用同自律能力。”由于阿姐出名守时，由她说出相关台词自然更具说服力。
监制林志华透露当初构思角色时第一时间想到阿姐，他回忆当日提出请求时战战兢兢︰“嗰时疫情严峻，阿姐尽量减少工作量，我亦冇办法亲身邀请佢，只能透过电话联络佢经理人。佢哋问咗我一啲关于角色嘅嘢同工作时间，冇几耐就打番电话畀我话应承帮我做。”林志华指阿姐认真做足所有事前工夫：“佢戏分唔多，但佢每一套衫、每个造型都会特别安排时间返嚟试清楚。有阿姐喺度嘅场面，所有嘢都会加倍顺利，一来佢冇NG咁滞，二来阿姐喺度，大家好自然更加集中精神，虽然平时都已经好集中。”
戴祖仪拍摄与周嘉洛的一场争的士戏时气势十足，林志华讚他们十分用心︰“嘉洛真係好勤力，冇得瞓咁滞，但佢完全冇降低对自己嘅要求，佢同戴祖仪都係年轻人，好熟悉年轻人嘅世界，佢哋会喺现场度啲潮啲嘅对白加落剧本，令件事更有时代感同趣味。佢哋私下又成日排练，令到斗嘴嘅节奏出到嚟好有趣。佢哋各自有自己嗰团火，撞埋之后好有火花。”
