明报OL：张致恒考虑5年后追多个女 被质疑教唔掂即开腔反击
张致恒（Steven）与太太雯雯育有大仔天宝、二仔天牧及出世个多月的细仔天朗。Steven近年负面新闻不断，曾被揭欠下一身债。虽然他密密往内地登台挣钱还债，但工作量不多的他要同时负起养家责任，负担绝对不轻，雯雯曾暗示生活困难，令不少网民担心。
Steven日前在社交网开直播与网民倾偈，3个仔均有出镜。他表示早产的孻仔身体健康情况已好转，惟间中仍有呕奶问题。他说︰“係一种缘分，好多人点博都博唔到个小朋友出嚟，我就唔知点解走咗3件出嚟。小朋友係我哋嘅财富，要慢慢悉心凑大佢哋。”
被问到会否追多个女儿时，曾表示有意结扎的Steven最初说不再追，后来表示起码5年后及情况许可时才考虑，但他和太太也担心再生都是仔。有网民质疑他有钱养那麽多个孩子，Steven反问︰“一定要有钱先养到咁多个？边个话有钱先可以养咁多个？”
当Steven再被网民质疑教不教育到3个小朋友时即反击︰“咁都唔关你事㗎，係咪先？生3个係我嘅问题。其实担心啲咩？不如担心我嗰啲人顾吓自己先，连自己都未顾掂，做咩理我啲嘢？我又唔係要你帮我凑，係咪先？”
