星岛网：独家丨何珮瑜向刘青云疯狂偷师赚晒 《神探大战》剃眉剷青演叛逆女
正身在内地工作的何珮瑜（Jeana），最近在新戏《神探大战》中首度跟导演韦家辉及刘青云合作，戏中演青云囡囡的她，兴奋指合作期间获益良多，就算为角色剃眉剷青都值得。而在另一电影《电子灵》中，她亦有新突破，她很感恩疫情下仍工作不断，所以目前感情随缘，专注事业及家人。
採访：杜杜 摄影：沈健程 髮型：Kim Ng 化妆：Milk Cheng 服装：MARYLING场地：尖沙咀iSQUARE 英皇戏院
首度跟韦家辉导演合作的Jeana，甫见面已被要求为角色突破造型，剪男仔头兼要剃眉剷青，她想了半天便答应，“觉得係个好好嘅机会，难得同好多前辈同埋韦导演合作。”果然跟前辈合作必有收获，她单是留意戏中爸爸青云开工情况，已学到嘢，“喺嗰三个月嘅拍摄里面，未见过青云哥攞个电话出嚟㩒，佢真係好犀利，非常专注。”
爱情只会随缘
到Jeana真正跟“青云爸爸”做对手戏，更加不得了，“有次同青云哥对戏，我话‘有两个版本演呢场戏，你觉得边个好啲’，佢就话‘你不如谂十个、二十个’，吓！我就学到一样嘢，如果一场戏可以谂到多啲版本，去到现场可以同导演同其他现场气氛夹到，会有好多唔同火花出到嚟，好开心今次可以学到好多嘢。”她又讚青云斋靠把声已好有感染力，“有一场戏佢要追住我讲一段说话，我就调头走，我一路跑一路听住佢把声，我都已经忍唔住喊，佢可以令到声音都感染到对方，我觉得好犀利，望住佢对眼已经入咗戏。”
至于《电子灵》中，Jeana会饰演到韩国发展的女团成员，既要学韩文，更要化女鬼妆，连自己都惊，“个妆要化三个钟头，经过块镜我都唔敢望，好惊自己个样会入咗脑，嗰段时候我专登晒好多太阳，畀返啲阳气自己，哈哈！”
对于每次角色都有挑战，Jeana非常享受，又好喜欢为工作周围走，不用开工就回老家河北陪家人的生活模式，至于爱情只会随缘，“我会将成个心机摆喺工作同家庭，呢个年纪我係好想结婚，亦都好想有小朋友，家庭会对于我嘅工作更好，更有动力同寄托，但係仲未有人出现，哈哈！”
