星岛网：独家丨陈宝华叹中港年轻一代冇人情味 获内地高官评三观很正
主力在内地发展的著名编剧陈宝华，最近回归香港为开电视的剧集《狮子山下的故事》担任总编剧，再写香港情香港事。曾获内地高官评为三观很正的宝华姐，眼见现在中港年青人变得自私又冷漠，感受特别深，担心再难见八、九十年代的人情味。她又盛讚胡杏儿是个专业兼人品好的演员，由她出任女主角，对该剧帮助很大。
採访：杜淑霞 摄影：沈健程
《狮》剧由1985年写到2019，是个横跨35年讲述三代的温情故事，当中描写了很多香港的大事件，对于宝华姐来说感受最深应该是1996年的嘉利大厦大火，因她曾经跟该次灾难很接近，“嗰日我喺尖沙咀美丽华酒店行出嚟，感觉到好大阵烧焦味，听到有人话裕华百货嗰边火烛，望到个天好多黑烟飘紧过嚟，我冇八卦行过去，但嗰晚睇电视，原来当时发生紧呢啲事，睇见都好惊心动魄。”
对于女主角杏儿表现，宝华姐大讚她最个最佳选择，“呢个演员好锺意做戏，好爱戏，我对住呢啲演员就投降，唔使担心佢唔爱我个剧本，佢人品亦都好好，永远唔会投诉任何嘢，只会帮我哋手解决困难，仲会调返转头鼓励我哋。”而本身有齐中国妇女美德的杏儿，宝华姐认为做“梁欢”一角最适合，“佢好贤良同埋对于家庭观念好重，佢个伦理观念好强，睇佢带埋细仔嚟开工就知。”
望作品能给人正能量
宝华姐的作品，除了爱以女性角度说故事外，还有丰富人情味，而且价值观相当正确，她亦承认会不自觉将个人想法放到作品上，更自爆：“曾经有个领导同我讲，我嘅三观好正，即係世界观、人生观、价值观都好正确，咁我有读书，老师有教嘛！哈哈！”而她认为这原因亦令她早在19年前，已顺利打入内地巿场，“三观係冇文化差异，好睇嘅戏剧係全球性，好似我哋睇印度戏点解会觉得好睇，因为有爱、有情嘅嘢係国际性。”
不过宝华姐承认八、九十年代的人情味，现在可能只能在戏剧世界才能找到，因她发觉年轻一代，变得自私又冷漠，“可能係互联网或者手机文化影响，大家生活既枯燥又迷茫，好似我喺机场拎住好多行李上机铁，后生仔挂住望电话都唔会帮我，反而係上咗年纪嘅男人帮手，搭地铁有对白晒髮嘅夫妻企喺面前，两个年轻人挂住打机，我出声叫佢哋让位，佢哋望吓都冇理。”
而内地情况亦一样，“我哋喺内地拍呢套剧时，有日我同（谢）君豪食完饭上返酒店房搭𨋢时，有几个年轻人入嚟，佢哋冇戴口罩，我忍唔住出声话佢哋咁自私，佢哋落唔到台就驳我‘我喜欢呀’我话返佢哋‘国家好不容易发展到现在，如果年青人这样子不可以’佢哋好快就走咗，我返到房都打电话畀酒店经理投诉。”所以她最希望作品能带给大家正能量，“最希望令到佢哋有返啲希望，同埋有啲乐趣。”
