明报OL：郑欣宜横扫女歌手奖完成大满贯 讚年轻歌手厉害：提自己唔可以鬆懈
郑欣宜在昨晚（24日）香港金曲颁奖礼膺女歌手大奖，意味着欣宜横扫新城﹑叱吒﹑Chill Club﹑TVB及港台的所有女歌手奖，完成大满贯。
欣宜受访时开心说：“特别多谢唱片及经理人公司畀我好多信心同支持我，为我争取好多嘢，感觉好奇妙，喺呢个空间及1厂，经历好多唔同嘅嘢，但我觉得未完，希望自己继续进步，好多嘢做得更好，透过音乐记录低每个成长。”
问到如何庆祝？她笑言想吃薯条，但明天（25日）要唱新歌，所以稍后一次过食，她续说：“啱啱放完假，一日食几次Pizza及雪糕，都够喇，嚟紧就要开骚，所以都要返嚟喇。”
问到下个奖项目标，她坦言恨继续冧庄，同时又讚现时年轻歌手：“全部都劲到咁样，好厉害，我头先喺台下睇，最劲嘅係有几位好年轻，我谂紧我啱啱开始唱歌时，已经20几岁，都係发梦同一嚿云，依家开始知道自己做紧乜嘢，我都眨眼（做歌手）10几年，依家歌手好叻，同时提醒自己唔可以鬆懈，继续努力。”
日前是已故艺人沈殿霞（肥姐）的77岁冥寿，Google的首页Google Doodle特别变为肥姐的插画。郑欣宜事后在社交平台分享Google的页面截图，她今晚说：“Google喺去年同我联络，想将娘亲肖像，做得最靓，家人都喜欢，多谢佢哋，係我嘅责任去延续佢（肥姐）嘅legend，都好感动，当日係我娘亲西曆生日，外国粉丝们有share，记得佢啲电影同埋戏。”
