罗冠兰讚谦虚冇架子 谭俊彦︰仲有好多嘢要学
谭俊彦日前联同前香港演艺学院副教授罗冠兰，为本年度TVB艺员训练班担任客席讲师，与来自香港、内地及马来西亚的学员分享演戏心得。谭俊彦传授演喊戏心得︰“我会用（演戏时）对手畀我嘅刺激，我会望住我嘅对手、利用空气嘅流通你先放鬆到，慢慢你就Feel到对眼Hold唔住啲眼泪……其实你觉得自己好多眼泪咩？镜头上睇唔到，所以控制住唔好讲嘢，到最后先望住对手讲对白。”谭俊彦一边说一边眼泛泪光，睇到一众学员惊叹兼拍掌。
两人事后接受无綫娱乐新闻台访问，罗冠兰对谭俊彦讚口不绝︰“佢对初心坚持、对热爱表演嘅尊重，令我觉得好感动，所以我好惜佢。”
提起谭俊彦年初凭剧集《换命真相》连夺TVB视帝及“马来西亚最喜爱TVB男主角”，罗冠兰说︰“他至今仍保持谦卑性格，相信有啲人唔係特登，但好易会‘浮（嚣张）’咗，但我从来冇感觉过佢骄傲。”谭俊彦闻言说︰“我未成功㗎！我未成功㗎！我要继续努力，好多地方都可以做得好啲，仲有好多嘢要学。”谈到于演艺学院执教多年，罗冠兰自认是“严师”，故对艺训班学员甚有要求。
