星岛网：MIRROR演唱会丨罗家英透露Edan好惊好失落 劝年轻一辈勿衝动做危险事
罗家英与赵曾学韫今日到尖沙咀出席电影《红伶宴》欣赏会，汪明荃（阿姐）更专诚前来捧场。家英哥指，因为鲜浪潮电影少有粤剧题材，加上拍摄时撞正疫情，估当时只收车马费拍摄。
家英哥指本相约阿姐去看MIRROR第一场演唱会，但最后因工作而错过，不过吕爵安（Edan)已安排他观看第六场。提到演唱会上的严重事故，事后家英哥亦有与Edan联络，问到Edan 如何回覆？家英说：“佢都好惊，好失落。”问到Edan现时的心情，家英哥説：“我同佢文字沟通，觉得佢唔开心，心情当然有影响，佢表演钢琴嗰part咁好，好受欢迎。”
至于是否有建议给Edan？他说：“呢个係经验，做演员要经过好多风浪，今次係警惕，唔好似后生就衝动、太兴奋，做一啲危险嘅嘢，要累积好多经验，要小心，做唔到唔好夹硬做啲危险事情，要为自己安全着想。同埋有啲人当你啲演员係杂技者，万能嘅，做埋啲危险动作，唔好制呀，要考虑清楚。”
家英哥指今次真的是意外，但幸好屏幕不是尖角插在舞蹈员身上，他亦希望经过良好的医学治疗后，能将阿Mo（李启言）伤重减到最轻：“希望神经线自己修复，若干年后会痊癒，当然会有后遗，但冇办法，呢个係人生一个劫，人生係无常，曾江係无常，但后生都有无常。”
