香港01：白云自爆曾因身形感自卑 惨被朋友批评︰“个胸太大好核突”
前TVB艺人白云推出入行以来首本个人写真集，日前，她出席新书签名会答谢粉丝，她接受TVB 娱乐新闻台的访问时，自爆曾因胸大而被朋友攻击。
白云自言很久之前已有出写真的想法，不过竟因为自卑而打消念头，搁置计划，她说︰“见到人哋出写真我都会心郁郁，但係之前我真係会自卑嘅，因为太多声音嗰阵时会讲‘你个胸太大，所以好核突’，真係有啲女仔friend，或者有啲人会咁讲，或者话‘你咁嘅身形係唔靓嘅’，咁我就会觉得係喎，出得写真都係嗰啲好窈窕啊，我嗰阵时会係觉得自己唔靓，但係而家我有自信，我觉得所有女人都係靓嘅，只要你自己觉得自己靓，只要你觉得你有闪光嘅位，可以畀你爱嘅人见到就OK啦。”
白云又觉得每个人都有她的魅力，“我觉得我哋每一个人散发出嚟嘅性感魅力都唔一样，譬如有一啲人係眼神好有魅力，有一啲人係有体香嘅，有一啲人係讲嘢好智慧嘅，咁你接收到嘅人就唔同㗎啦！你嘅另外一半係会欣赏到你嘅闪光点嘅，咁我觉得就够囉！”
