香港01：白色强人II｜张曦雯关心好友朱韵韵 定期检查：女仔就係多女仔病
TVB皇牌剧集《白色强人II》日前公布首播收视19.5点（观衆人数约127万），昨日（2日）一众演员出席宣传活动时再公布好消息，首集收视有21.1点，张曦雯（Kelly）在接受《香港01》访问时亦表示一向对剧集收视有信心：“我觉得我哋团队係一个好有Passion嘅制作（团队），当然就係想更加多人睇，所以收视好都係一个好好嘅鼓励嚟嘅。”
Kelly与郭晋安延续上一集的感情线，最后更会大团圆结局：“我觉得由1大家好锺意我同YT，就畀大家睇多啲大家锺意嘅嘢，所以我谂我同YT嘅结局大家都会想睇。（应该係Happy ending？）係，我哋会一齐经历一啲嘢，overall都係开心嘅。”
Kelly好友朱韵韵（Angel）早前拍片自爆去年患上癌前子宫颈癌前期病变，更瞒住父母进行电圈切除手术，术后一度大出血而晕倒在家，Kelly亦表示有关心对方：“我知道嘅，所以我觉得一个人健康係好lucky嘅一件事，可能平时我哋冇病冇痛就会可能忽略咗，以为係理所当然，但其实唔係囉。佢（Angel）都ok嘅，好strong，我哋都会互相扶持，所以有啲咩难题我哋都会喺大家嘅身边支持大家。（自己有冇定期检查？）会呀，做呢行时间颠倒，所以健康好紧要囉，我定时都会check，尤其是女仔就係好多女仔病，可能其他男仔冇咁多病痛，所以女仔就更加要小心，年年都要睇妇科去检查。”
