星岛网：郑俊弘开工挂住个仔靠一招化解 自爆唔急追第二胎原因
郑俊弘（Fred）、施匡翘及谢高晋今日到荃湾出席慈善活动，郑俊弘与太太何雁诗今年6月诞下儿子Asher Douglas，现时囝囝已3个半月，由于疫情关系，故未有搞百日宴。现时过凑仔生活非常开心的郑俊弘坦言每天外出工作时也感不舍：「好珍惜每次见到阿仔慨机会，头先出门口都唔舍得，因为今晚仲有其他工作，要拍剧集《再见•枕边人》，所以要听日下昼先可以见到渠，一有空档我就会开视像睇佢瞓觉。」
郑俊弘指儿子出生后，也令家庭关系变得更好：「生之前会好担心将来，疫情、渠长大同读书，但出世之后带嚟慨欢乐将呢啲嘢通通盖过。」提到何雁诗早前指他想「追多个」，郑俊弘听后即笑：「唔止系我，渠自己、渠爹哋妈咪同我妈咪都想，不过谂住过一两年先，因为唔想分薄咗，想将呢一两年时间畀晒个仔先。（想生仔定女？）如果有个女就真系不得了，哈哈！唔紧要慨，仔同女都钟意。」
郑俊弘又指现时已开始向身边的朋友请教升学问题：「我哋希望自然啲，希望渠开心又唔想俾太大压力渠，唔想话渠将来一定要读边样做边样。」但他表示因不想儿子功课压力大，故偏向拣选国际学校：「惊渠读啲嘢太深，到时问我都唔识教。」
