MC歌迷会管理员惹火言论后「赋豪」首次合体洪嘉豪：感情不变 | 香港01
「赋豪」MC张天赋和洪嘉豪（Kaho）今日（5/10）现身荃新天地出席邦民宣传活动，吸引过百名「赋二代」及「院友」现身撑场。
虽然二人曾扬言短期内不再合体，但他们接受访问时表示「缘份嚟到，避都避唔到」，Kaho坦言有MC在身边会安心很多：「有好朋友喺度冇咁闷，一齐玩。」MC认同指：「有人分担咗个压力，有咩事都有个人傍住。」
MC歌迷会Telegram管理员Yee Yee发表惹火言论后，MC和Kaho首次同场回应事件，MC说：「由出现到而家，我哋系一句都冇倾过。」Kaho和应：「在心中，感情不变，好兄弟，就系咁简单。」问到二人会否有芥蒂，MC一脸茫然问：「咩系芥蒂？」，Kaho搞笑用英文解释：「conflict，there’s a war。冇呀，绝对唔会有，我同MC双方都各自回应咗，亦都冇需要继续延伸呢个话题。」MC续指：「呢期新闻系我哋个骚。」
MC到目前为止仍未公布更多个人骚的详情，不过就透露现时努力操肌中：「开始做紧Gym，事隔咁耐第一次做番，有啲作呕，心跳适应唔到，有啲想放弃，但会继续努力。今日完咗个event，又要去做gym。」
至于11月就开骚的Kaho就表示因为最近比较忙碌，所以只好尽量抽时间健身：「有套戏拍紧啦…工作以外就尽量睇下点准备个骚，你话系咪好fit又唔系，keep住个routine咁啰。（状态100%准备好未？）其实未，第一次个人演唱会最大慨问题系，要自己唱晒啲歌其实系好大难度，所以要喺屋企练，加上要排舞又未排啦，纯粹有咗个初步rundown，所以都紧张，但会继续努力」，他透露骚前会再派一首演唱会主题曲。
而MC早前亦完成电影《夜校》拍摄，他表示由于是一套笑片，应该会在开心的时间上映：「可能就同演唱会都好近，双喜临门啦。（会唔会系1月？都近新年）我自己就希望系慨，但我真系未有任何通知。」他透露下星期便会为演唱会开第一次会：「到时就会清楚多好多细节。（会唔会邀请对方做嘉宾？）暂时应该唔会，见得太密啦。」Kaho补充：「见得太密之余，台下支持就非常足够，不过都系到时再讲。」
