星岛网：刘佩玥拣男友唔睇样人品最重要 陈晓华公开Cut机后丁子朗揽实渠
刘佩玥（Moon）和陈晓华（Hera）在《美丽战场》中跟陈滢是由细玩大的好姊妹，Hera最初都担心融入唔到，但好彩大家都属直接的人，好快戏外都变好姊妹。讲到剧中Moon被林盛斌（Bob）演的暖男狂追，Hera则遇丁子朗演的渣男，她们都话现实未遇过这情况，两人仲分享自己的爱情观。
采访：杜杜摄影：Stanley发型及化妆：Angela Shum(@angelashummakeup)(Moon)
服装：Lilian Kan(@KanaLili)(Moon)场地：Studio Meta
导演叶念琛要求三位女主角要做好姊妹对演出有帮助，Moon跟陈滢早已认识，Hera最初都有压力担心融入不到，「过咗两、三日就已经好friend，我谂系因为大家讲嘢都好直接，绝对唔会搞小圈子慨人。」
Moon就大赞Hera加入起化学作用，令大家都好开心。而她们就爆经常被叶导睇死，「渠成日讲『为你哋好咋！你哋唔好咁投入，拍完后就唔friend㗎啦！』」但她们有信心可以继续维系，因很珍惜这段缘分。
择偶重相处
剧中Moon演的「李静儿」有义气又男仔头，虽然成日闹人搞到好攰，但觉得非常好玩，又赞跟Bob演一对好开心，「我最深刻有场要揽住渠，好似揽紧熊bear bear咁，感觉系好有担带慨男人，但渠揽返我只手强而力，差啲链爆我肋骨。」问她若现实遇这种有钱但其貌不扬对象会否接受？Moon认为最重要真心钟意对方，「嫁个有钱人都可以系真爱嚟，只不过渠系点样慨人品，同埋同你相唔相处到。」
Hera话细个都似「林小美」一样恋爱大过天，但未试过遇到渣男，甚至被打，「𠵱家最紧要相处到，我本身系个怪人，谂嘢有少少跳制，如果另一半组织能力比较差，可能唔知我讲乜嘢。」她又大赞现实中的丁子朗是个暖男，「渠第一次真打落嚟，打咗几巴，我喊得好劲，渠一cut机即刻畀个拥抱我，令我对渠信任加强咗好多，最怕对手好冷漠咁行开或者只讲几句，冇关心我情绪，但佢咁做觉得好窝心，好舒服，对手好尊重我，会令我对渠信心大增。」
