明报OL：传65岁郑裕玲不续约无线 结束近40年宾主关系
郑裕玲（Do姐）上月刚满65岁，今日传出她希望展开新生活，好好享受人生，因此决定约满无线（TVB）后不再续约，结束接近40年的宾主关系，为电视生涯画上句号。
Do姐1978年于佳艺电视倒闭后加盟无线，身为当家花旦的她拍剧无数，包括《网中人》、《流氓大亨》、《男亲女爱》等。1987年，Do姐转战影圈，她是香港电影黄金时期最红的女演员之一，片酬冠绝其他女星，更是1980至1990年代拍片最多的女演员。1988年，她凭《月亮星星太阳》成为金马奖影后；1991年再凭《表姐，妳好嘢！》成为香港电影金像奖影后。
曾移民加拿大的Do姐于1992年回流香港及再效力无线，2000年凭《男亲女爱》赢得视后宝座。Do姐后来转战主持人行列，除了成为无线大型节目的首席司仪外，主持的综艺节目如《Do姐去Shopping》均大受欢迎。2011年，Do姐踏入广播界，于商台开咪至今。
Do姐至今未就离开无线一事作出回应。
郑裕玲公布不续约无线 考虑2年决做自由身艺人 欢迎不同机构邀合作
65岁郑裕玲（Do姐）今日传出约满离巢，与无线（TVB）结束宾主关系的消息。Do姐今日主持商台节目《口水多过浪花》时承认不续约无线，希望一尝自由身的滋味，并强调与TVB关系友好，如有合适节目会返去做。
她说︰「我服务咗TVB 44年，到续约慨时间，我就决定唔续约。咁点解呢，本来呢件系好小慨事，合约满啦唔续约，但到底喺呢间机构44年，点解唔续约呢，为免令大家有误传，亦知道有好多朋友关心我，不如我自己讲一次。首先我觉得，其实呢3年慨疫情对大家唔多唔少心态上系会有啲唔同，谂慨嘢会唔同咗慨。我同TVB慨合约都咁耐啦，虽然渠对我哋…对我好好，有时啲节目我觉得唔适合，我可以同渠哋讲我唔做，但到底你都系同一间公司签咗约，一定要完成合约慨。我成日喺节目度讲，成日冇得去旅行，依家可以去旅行，你都唔可以系想玩几耐就几耐，你都要返嚟，如佢话有节目叫我返嚟做，因为合约精神，我都要返去做慨。我体验咗3年，又签咗同一间公司咁耐，唔知自由身慨感觉系点。咁啱合约满，就不如试吓做自由身啦﹗」
Do姐强调离开无线绝非是跟谁不开心、有什么不好或做了一些不开心的事。她强调︰「最后一次我同公司交代慨时候，都系好开心慨。如果将来有乜嘢节目系适合我慨，我又觉得自己啱做慨，我都会同渠哋合作。」Do姐表示会继续工作，但不会再跟任何公司签长约。她说︰「我好多嘢未试过，所以唔排除一切合作慨可能性。同边间机构又好，做啲乜嘢又好，所有嘢都会考虑，我想试新嘢。我喺TVB做咗咁耐，喺出边会有啲乜嘢机会我系未试过慨呢，所以要喺呢度落个广告，有啲乜嘢搵我可以PM去我个Ig，乜嘢都可以倾。」Do姐强调什么工作也可以倾，演舞台剧都得，连明年的叱咤颁奖礼也可以出席。
至于为何仍继续一星期5天的电台节目工作，Do姐解释︰「第一就系我依家好钟意做访问，可以见到好多唔同慨人，增进知识。另外一个最大原因系我哋呢个节目有4个人，如果我真系要放一个长假，相信商台都会好明白。4个人走咗1个，仲有3位同事喺度顶，而且做电台慨灵活性大啲，唔使出样，简单好多。」
Do姐坦言离开服务了44年的无线，当然会不舍得，会挂念台前幕后的同事，但今次离开绝非不再见面，将来如有机会也会返去做节目。被问到不续约这个决定考虑了多久时，她说︰「疫情初期冇咁紧要慨，到第2年，尤其今年，觉得有好多嘢计划不似预期，加上呢几年有好多人离世，如果自己有啲嘢想做，碍于合约关系唔可以做就有啲可惜。」Do姐表示如有合适工作，可以立即开工，目前香港政府未放宽入境检疫措施至「0+0」，去旅行也不会去太耐。
余德丞问Do姐决定离巢前可有挣扎时，Do姐坦言︰「我谂咗好耐，天下无不散之筵席，我宁愿系依家我可以决定慨时候就做决定。挣扎当然有少少，有几多个人可以喺一间机构服务44年，但觉得依家呢个时间系啱慨。公司好好，好接受好尊重我慨意见，高层都问咗我几次，问我系唔系真系咁样决定。我哋最后系开心慨，冇唔开心、难受感觉。老实讲，喺一间机构咁耐，唔好话44年，4年都总会有好开心或者唔开心慨日子，但绝对唔会因为咁样而离开。 」
