星岛网：《姊妹们》Mixson讲旧爱谈善言暗藏心酸 法籍球员Alex公开爆笑冧女情史
ViuTV真人秀《姊妹们的国际市场》，搵来5位外籍型男同女艺人如何洛瑶及李昭南等玩配对，论外形，同样拥有法国血统的演员黄宝漳（Mixson）及足球员杜国梁（Alex）最吸引。法国人出名浪漫，两位靓仔大方跟《头条日报》讲情史，Mixson更首谈旧爱谈善言，而他们都遗传了法国人的浪漫特质，更齐齐公开冧女绝招，甜得嚟非常好笑。采访：杜杜摄影：孔子
虽然Mixson爷爷是法国人、嫲嫲是越南华侨，但他两种语言都唔识，更即场示范唯一识讲的法文，就是:「我唔识讲法文。」不过法国人的浪漫，他总算遗传到少少，「试过对方生日，话去山顶食饭再睇博物馆，但系我畀咗个惊喜渠，我哋先去金钟谂住搭缆车，但其实我系带渠坐直升机，渠都好惊喜，一齐喺香港飞好开心，我好钟意同对方一齐去体验啲唔同慨嘢。」
Mixson拣女友要识讲广东话
在港土生土长的Mixson，觉得自己是100%香港人，他承认混血靓仔外形，对识女仔确有帮助，不过长远都是讲沟通，所以唯一跟西班牙女生拍过三、四个月拖，正式的三段情对象全部都讲广东话，因沟通最重要，「我讲英文都得，但系打咗折，表达一啲嘢唔可以好到肉。」
Mixson做过不少MV男主角，包括郑欣宜的《先哭为敬》。
34岁的Mixson，每段情都能维持两、三年，就算分手后仍可做朋友。谈善言是他的第三任女友，两人分手5年，不久前合作拍电影《过时．过节》，他形容这次合作的经验超正，「同渠合作交流都会好啲，同埋有少少似我哋慨故事。」两人因上彭秀慧的戏剧班而认识，慢慢由同学仔变拖友，他觉得跟阿谈的三观很相似，就连对婚姻的想法都一样，「渠都系no结婚no生仔，同我谂法一样都系想领养。」而他最欣赏阿谈够善良，可惜最终都要和平分手，「我会咁样形容，我哋有八成夹，但有两、三成令大家未必适合做情人，做朋友可以更好。」
Alex公开收兵欢迎DM唔使惊
爸爸是法国人、妈妈是台湾人的Alex，虽然在港出生及长大，但他一直在法国学校读书，华人朋友不多，所以广东话真系好麻麻，睇节目时唔睇字幕真系唔知渠讲乜。Alex讲国语好过广东话，访问期间，佢好努力用广东话讲情史，包括拍过两次拖，女友都是外籍女仔，「我钟意多啲外国女仔，如果香港女仔识讲英文我都有兴趣，因为讲嘢真系好重要，如果冇沟通真系好难。」
不过，高大靓仔的他在港竟然冇乜女仔埋身，「美国读大学时多啲，外国女仔会有多啲信心，渠哋唔会惊个男仔话唔钟意。」他大呻连在IG中DM他的，都得男仔冇女仔，更搞笑公开收兵，「觉得我靓仔，喺IG度DM我，唔使惊。」
23岁的Alex只有两段情，同样因分隔两地而分开。17岁跟法籍女同学拍拖，1年后他去美国读大学，女方亦返回法国，再到新加坡及美国升学，恋情只维持4年；而第二任女友则是美籍大学同学，因疫情他被逼返港，两人拍拖不足1年分手。
而Alex同样识得用法式浪漫冧女，对住初恋女友除了分别飞去法国、新加坡及美国给予惊喜，又会花心思送小礼物，「有啲歌我哋都好钟意，我将十五首歌放入CD度送畀佢。」他对第二任女友的冧招更搞笑，「唔叻但有煮嘢食，三文鱼、饭，呢啲嘢女仔会钟意，我仲有整芝士蛋糕，煮咗五、六个钟都几辛苦，希望个女仔见到呢啲嘢会开心，送礼物要有啲意思，美国个女朋友廿几岁都唔知右边定左边，分唔到，我送咗个地图同埋指南针畀佢，渠都好钟意。」送指南针畀女友分左右，mean得嚟相当好笑，睇唔出Alex咁幽默，加分喎。
