星岛网：林敏骢首拍剧同鲍姐斗演技被捧视帝大热 唔在乎︰视帝係乜嚟
63岁林敏骢入行超过40年，第一次拍剧《下流上车族》已获佳绩，首周有23.9点收视，上周更达26.8点高收视，一向招积的骢哥，认叻之馀，亦开心表示遇着鲍起静和江美仪两位好对手，仲自觉同鲍姐斗演技都无处于下风，自我感觉相当良好。至于被网民捧为视帝大热，他就完全唔恨攞奖，认为有网民讚已当赢 。
採访：杜杜 摄影：谭志光 服装︰@LAKH、@Novelty Lane
讲到剧集首周已有23.9 点收视，骢哥坦承估唔到，“都係狗屎撞棍，机缘巧合。”若然30点收视会否着泳裤答谢大家，他不离风骚本色话：“到30点我帮Carman（黄嘉雯）换泳衣，（帮校长换唔拣阿女？）乱伦咩！（识拣港姐冠军喎！）咪係。”
讚网民识睇戏
对于剧集受欢迎，骢哥认为自己的第一次对观众来讲最有睇头，“佢哋觉得你第一次拍剧，就算纯搞笑乱晒笼都接受，更加唔expect你做得到，而且做得到咁好，同鲍姐有得斗吓，唔係下风，係过招，仲要赢佢。”讲到同鲍姐及江美仪合作感受，他笑言：“冇下次啦！哈哈！因为已经做到最好。”他更大讚戏中老婆江美仪是个好对手，“对佢嘅印象係戏好好，呢个係无容置疑，如果𠵱家话畀我听，佢唔做我都唔知搵边个做，做到一样咁好嘅效果，佢係助攻王嚟。”
谈到被网民捧为视帝大热，骢哥一脸不在乎，仲认为有口碑更重要，“视帝我都唔知係乜嚟，係几时㗎？冇所谓啦！畀得起我攞得起，佢唔畀我咪当跌咗囉！网民已经畀咗，佢唔畀冇所谓，我叫网民去淘宝整返个一样，都係一嚿胶嚟，人哋话你得嘅时候，已经当得咗。”原来他透过导演一直有留意网民反应，“我估唔到佢哋咁识得睇戏，嗰啲后生仔通常乜都闹㗎嘛！但係冇闹，佢哋知道啲幕后嘢，甚至讚埋啲镜头好，做得好佢哋又知道，知道啲戏扮唔到出嚟。”
