星岛网：王贤志否认《仔仔一堂》教坏细路 参加者介意被标签「玩菊花」
由王贤志(Vinci)监制及主持的同志配对真人骚：J2节目《仔仔一堂》，今个星期高潮迭起！不过，节目一直被高度争议，甚至被投诉系「鼓吹同性恋」慨垃圾节目。明明用心制作节目，只想大众了解多啲同志处境慨Vinci就有话要说：「呢啲嘢冇得鼓吹，小朋友上网乜都睇到啦，而且同性恋系咪坏先？」另外，人气王参加者Louis面对「玩菊花」、「菊花佬」、「死基佬」指控一直耿耿于怀，形容难听过粗口。
采访：方骞平 摄影：朱伟彦 场地：SHÈ
J2节目《仔仔一堂》10位男同志参加者中，型男大学讲师Andrew、「嫩版王浩信」Louis、「可爱兜风耳」HoHo及「187花美男」Carson惊现四角恋，4人透过节目环节向对方真情表白，又争取相处机会，拍出唔少感动位。
Vinci认为节目系从影以嚟慨代表作，节目出街后获内地观众、网民、甚至家长、圈中人余安安等支持，成功令更多阶层观众了解同性恋，知道渠哋喺香港传统社会生活面对慨压力，为渠哋发声。
唔想新一代行迂回路
对于节目被指教坏细路，Vinci点都唔认同：「𠵱家啲资讯咁发达，唔会靠一个电视节目教好或者教坏小朋友，反而小朋友喺家长指引下，会得到更多解说；父母亦唔好因为子女出柜，而觉得系世界末日，因为生命系渠自己慨！更何况同性恋系咪坏先？如果唔系坏，点可以用教坏呢个字眼？」
他明白部份观众反应激烈，系源于对同性恋不明白，52岁的他有感而发说：「我以前未Come out都觉得怕丑，唔想话畀人知，觉得唔见得光，好怕人哋知咗后会觉得我好差，所以我用咗好多年时间嚟建立好多嘢，譬如做司仪、做慈善、做东华主席⋯⋯等人哋嚟接受我，其实呢啲同我钟意男定女根本系无关慨，我只希望新一代唔好好似我咁，行咁多迂回路，做乜要用咁多年，去到50岁才挺得直做人呢？其实性向系每个人慨基本权利。」
传达尊重与包容讯息
Vinci透諣节目传达尊重及互相包容讯息，尤其跟家人慨关系：「屋企人系最强后盾，因为返到屋企，渠哋系唔会嫌弃你，经历过妈妈离世，面对过生离死别，冇嘢紧要得过亲人，钟意男定女其实系一件好小慨事，有个互相钟意慨人经已系幸福事，妈妈离世时都接受埋Kevin（Vinci丈夫）。」他唔排除开第二季，亦会做囝囝经理人。
用行为嚟标签好难听
另外，参加者之一的Louis坦言，最难听被评为「死基佬」、其中指「玩菊花」、「菊花佬」难听过粗口，他无奈道：「唔好用一个行为及身体部位嚟标签我哋，唔系个个会咁做！」Ray坚持冇误导小朋友「搞基」，Howard则最耿耿于怀，被轰凭乜代表渠哋族群发声？Howard坚持只系将10个人慨故事投射出来，令更多人了解渠哋，让唔够胆Come out慨人有选择权，有共鸣就唔会孤单。至于靓仔名厨Kenny反而看得开，话唔想嘥时间做无谓争拗。Nelbon笑言也会拣静音。
