星岛网：陈炜开到口想攞视后同天上父亲分享 医生老公力撑拉埋病人投票
陈炜(炜哥) 凭TVB重头剧《回归》邓丽娟一角杀入《万千星辉颁奖典礼2022》「最佳女主角」最后十强，以「亲生女」姿态成为视后大热，跟「影后」鲍起静及好戏之人江美仪拗手瓜。强敌当前，炜哥未惊过，自爆有好老公帮拖，搵埋诊所姑娘及相熟病人疯狂投票，实行撑硬老婆，后援会温馨又强大，炜哥未企上颁奖台已甜到入心。
采访：方骞平 摄影：谭志光 发型：Chris Cheng @ ILCOLPO
服装提供：MARELLA 场地提供：Amelia Hong Kong@Harbour City
入行25周年的炜哥经历了大起大跌的一年，第6度争视后的她，除攞埋TVB 10年「老人牌」，更觅得如意郎君陈国强医生，唯一美中不足是婚礼前夕爸爸离世，令她添上伤感。
家有白事坚持开工
炜哥坦言都想在入行25周年的特别日子得到肯定，「《回归》入面邓丽娟个角色令人好感动，都有好多人谈论，只系时间性上较输蚀，始终都系7月播出慨剧集。」问到「亲生女」身份争视后系咪有优势？炜哥笑说：「如果系咁分都可以咁讲慨，我效力TVB 10年，累积咗唔少观众支持，希望可以加分啦。」她又乘机为自己拉票，专业精神值得加分：「最难忘拍《回归》期间爸爸病逝，但唔想影响大队拍摄进度，要收拾心情开工，好彩一班演员都体谅我心情低落，会畀空间我。」
鲍姐演技属世界级
叫炜哥分析视后走势？炜哥笑说：「鲍姐属世界级演技，佢唔使奖个个都赞好…而美仪都好劲，我分析唔到呀，始终我哋由亚视出身，都系有经验演员，今次我哋3人演慨戏种同角色都有好大分别，好睇大家口味，所以都系交畀观众决定。」她自言已尽力做宣传拉票，希望唤醒观众的记忆，既然做好本份就唔好谂咁多，但信心依然会有。
承诺唔会「上岸」
炜哥坦言自己最输蚀在港亲友唔多，好彩有Fans撑住：「老公都好好呀，渠自动自觉叫晒啲姑娘及相熟病人投我票，系咁帮我拉票。」她又指老公系渠忠粉：「佢好钟意睇我啲戏，仲会不时话『老婆最好，冇得输！』咁佢都算ok旺我慨，我哋互旺啦。(咁咪够晒喇！)未够喎，我希望有实际慨奖项，唔会辜负Fans期望，做人有要求先会有进步，有奖会更加落力。」炜哥形容呢10年发生咗好多事情，成个人都唔同咗，希望能有个圆满结局。「升呢」医生太太慨炜哥仲承诺唔会「上岸」，未来她只会更进一步，喺演技上升华到另一层次。
