万千星辉2022｜林敏骢亲认将出席主动打畀高层：想我点帮你兜 | 香港01
无线（TVB）《万千星辉颁奖典礼2022》将于星期日（08/1）举行，今年「视帝」之争有林敏骢、陈山聪、陈豪等人，其中林敏骢的呼声也十分高。
早前有传媒爆林敏骢没有收有关方面出席TVB颁奖礼，疑似是不获邀请，节目监制向传媒表示「已经搵过」林敏骢，而林敏骢亦再次表示没有收到无线正式邀请。
今日（07/1）林敏骢接受《香港01》访问时表示正在踢足球，当记者问及他明天会不会出席颁奖礼时，他答道：「颁奖礼？哈哈，颁奖礼咪去啰。渠哋搞错啲通告，唔知边个去错咗之嘛。好小事啫，小事，沟通出咗问题，一来（监制）新呢，唔惯面对记者，你话以前卫世辉喺度就梗系唔会发生呢啲事。」
骢哥续说，早两天收到传媒电话后，还是他自己主动打电话给TVB高层：「我话：『而家记者咁问，你啲监制又咁答，你想我点样答，想我点帮你兜。』原来真系疏忽咗冇通知，第二日就即刻WhatsApp返啲资料畀我，第二朝另一个高层睇到又打嚟，话：『做咩呀？唔得喎，你一定要去。』冇所谓啦，咪开开心心当去睇骚咁啰。」
他还指今次出席颁奖礼志不在奖，而是为了撑场：「辛苦咗成年，撑吓TVB啲（朋友），当睇骚欣赏吓啰。攞就真系冇所谓，今年都唔记得旧年边个攞啦，大佬。辛苦咗成年，好难得见到咁多人喺度，因为渠哋好多个都赞我做得好，祥仔（黎耀祥）、阿Mo（陈豪）、三哥（苗侨伟）、戚美珍、Chilam（张智霖）原来全部都有追（《下流上车族》），见到面多谢吓渠哋都好慨。」
当被问到是哪一位高层致电他「讲唔好意思」时，林敏骢就答道：「唔系，唔好讲啦，高过渠少少慨，哈哈，身高。唔系高层同我讲对唔住，系个高层代监制讲声唔好意思。」
