曾志伟称录影《奖门人》好辛苦：顶到过年真系要停一停
无线总经理曾志伟昨晚（8日）凭《开心无敌奖门人》膺「最佳综艺节目」，他在后台接受娱乐新闻台直播访问时，对颁奖礼是否感动时，他说：「我觉得一样嘢，真就得㗎喇，个骚都好真，每一个得奖人或啲人听到同事得奖慨，大家都企起身拍晒掌，证明每一个奖渠哋系众望所归。」
曾志伟透露昨晚的颁奖礼几乎每个都由他打电话邀请出席：「有两三个本来昨晚会嚟，但因为确诊，我临时临急搵人嚟，都OK呀，后面好多惊喜。」
对于《开心无敌奖门人》获奖，志伟说：「我都好开心，冇谂过播咗20几年，仲得到大家支持，呢个系开心。（会否再开拍？）呢半年因为疫情，喺暑假想带动娱乐畀大家，冇谂过竟然做第一集，喺街见到小朋友个个追住我，原来好多小朋友未睇过，有番咁慨观众就继续做，但就好辛苦，日头我要返工啦，每个星期要录（节目）慨话，要嘥2﹑3日同渠哋度问题，所以顶到过年，我话唔得喇，真系要停一停，咁等下半年将节目安排好，睇下有冇机会下半年再做。」
