星岛网：陈山聪兔年目标搵多啲钱兼追个女
入行30年衰过再爬起身成囝囝最佳教材
46岁陈山聪去年连播6剧，最终凭《金宵大厦2》首登视帝宝座，他承认入行30年经历过高低起跌，攞奖为了自己，同时也是囝囝Jaco（陈霆轩）的教材。踏入兔年，山聪坦承有名无利，希望凭住视帝之名搵返3年来错失的赚钱机会，除了为囝囝储定教育基金，更为生个兔女郎作好准备。
采访：杜杜 摄影：钱文坤 发型:Seiko Sin Hair@Hair Culture 化妆:Chloe Yu 服装:@bespoked_ianchang 场地:G Room(K11 Musea)
山聪夺奖当晚冇特别庆祝，因翌日早上6时便要为新剧《夺命提示》开工，收到大量祝贺讯息，都要趁空档才回覆，「等拍车戏覆咗200几个讯息，要两日先覆得晒，阿Moon（刘佩玥）同我开工，喺我隔离都系咁覆，我哋都冇时间去post任何嘢，同埋我都希望亲自去多谢渠哋。」
获老婆赞大个仔
对于得奖感言，山聪解释是有感而发，「我真心谂咗好耐，上台慨话，一定要将呢番话讲出嚟，唔系话觉得自己叻，而系希望畀大家感受到失败唔紧要，肯面对自己慨失败先至可以面对自己慨成功，失败后点样企返起身，再步向成功真系好难，但只要有信心肯努力同坚持，加埋勤力同埋机缘，天时地利同埋运气，再加埋咁多人锡我，成就到呢件事。」
不过山聪认为封帝后并非成功，只是踏向成功的第一步，「攞咗呢个奖唔等如一切，我老婆第二日都问我『你咩感受』，我话『其实冇感受，开心完，𠵱家做慨嘢系放低呢个奖，走好未来嗰段路，点样再突破自己、再演好啲，我攞咗呢个奖后，只会畀以前做得更好，畀之前更加calm，畀人觉得我唔系一个视帝，我希望感染到身边人，唔好觉得你攞咗就威，千祈唔好将呢件事扩大』，跟住老婆答咗我一句『你大个嘞，你叻仔』。」
山聪认为奖项为了自己外，也为囝囝Jaco而攞，「希望系一个身教，畀佢睇到希望得到慨嘢，要去争取，亦都要努力。」就连自己失败的经历，山聪亦决定拿来做教材，「等渠大个懂性后，我会话畀佢知Daddy过往慨历史，我要当渠系朋友咁，但渠吸收到几多，接受到几多，系渠慨路，我管唔到。」
望追多个兔女或龙女
踏入兔年，山聪直言只有一个目标，「呢3年搵唔到钱，希望喺兔年一次过搵返晒，哈哈！我最多嘢做嗰年系2019年，之后就冇，都要为Jaco将来打算，希望凭呢个奖，可以顺住落去多返啲嘢做，点都要有少少收成。」攞奖后山聪更加够胆同老婆提出生个B女，「呢个奖系我筹码嚟，哈哈！可以慨话都希望整返个兔女或者龙女，可能兔年有啲赶，2024年系龙年，整个小龙女都几好。」若然有两个小朋友，山聪预了太太要停工全职凑小朋友，「所以我今年兔年要入多啲米先啰！」
至于未来目标，山聪就笑言，「今年应该畀观众抖抖先，我应该得一个剧《隐形战队》啫！都要畀观众饿吓，唔系食滞咗第时唔想再睇我就惨啦！」另外就希望有登大银幕机会，「希望有电影公司搵吓我，拍吓电影，就算客串都冇所谓，我真系希望可以多啲尝试，同多啲单位合作，不论系演员、导演、监制都好，可以有多啲新火花，先丰富陈山聪慨演艺事业，等我学到多啲嘢，到时拍其他剧就有另一个层次畀观众见到。」
