王卓淇爆TVB人工低 认不懂人情世故急补镬：我冇受过社会毒打 | 香港01
现年31岁的王卓淇（Erin）是土生土长的广州人，因参加《2014年度香港小姐竞选》获得亚军，就成为无线（TVB）的艺人之一，不过在新冠肺炎爆发后她就回到内地担任网红，不时会在小红书及抖音上更新影片，享圈中及TVB的秘密。
最近中港两地终于通关，而Erin就在各大社交平台上和网民分享自己将于开电视合作并拍摄节目《独家旅行团》。
Erin在接受《香港01》访问时，透露2022年在TVB合约期满后回复自由身，因此现时可以与不同的电视台合作：「我系自由身㗎，其实我都想同TVB合作，如果渠需要，我随时候命，因为渠系我慨娘家。当然我以前唔识做人，呢一年我成熟咗好多，如果有机会见到所有慨前辈、高层、同事我希望可以证明畀佢哋睇我进步咗，同埋想代替以前慨自己同渠哋讲对唔住。」
讲到Erin以前不时拍摄小短片与网民分享TVB不为人知的秘密，包括在电视城工作的收入及香港小姐后冠的价值，令到不少网民狠批Erin相当过火，她闻言就强调自己并没有抹黑TVB：「其实件事好傻，就系直播间好多朋友都问我TVB人工慨事，我就话我答一次啦，咁当然系唔高啦，因为我系讲紧大家都知道慨嘢，但真系好傻啊，其实系唔轮到我讲啰，我以为诚实答一个问题就得，大家问咩，我咪答咩啰，答到烦就出个视频，估唔到会变成咁。我以为好多前辈、同事都讲过人工慨问题咁我又讲，但系估唔到有咁多人睇，我以为诚实冇错，但系其实唔可以啰，系唔轮到我讲。同埋公司系学校，我哋唔使交学费就可以学到好多嘢，仲有唔同慨机会。」
随后Erin直言以前的自己不懂得人情世故：「其实我从细到大冇打过工，就连暑期工都冇，而我成世人第一份工就系TVB，所以大家都好锡我，所以艺人同监制都好有礼貌，所以我冇受过社会毒打，我慨人生系唔完整，冇人闹醒我，所以我呢几年系内地睇清好多嘢，宜家先明白咩系人情世故，所以真系想讲声对唔住。」
