星岛网：陈豪结婚9年维系感情全靠冇秘密 奉劝艺人勿人前人后两个样：会穿㗎
陈豪（阿Mo）在喜剧《新四十二章》表现出位，又跳街舞又裸泳，他承认入行29年要突破自己好难。提到跟结婚9年的太太陈茵媺（Aimee）婚后首度合作《罗密欧与祝英台》，虽然过程愉快，但阿Mo竟然话唔想有下次。另外，陈太有开心分享瘾，一睇IG就知陈家去过边食过乜，陈豪唔介意老婆公开家事，更首谈跟Aimee维系感情秘诀全靠「透明」两字。
采访：杜杜 摄影：朱伟彦
阿Mo有大量演喜剧经验，不过以前唔识得拿捏，演得太夸有反效果。他表示《新四十二章》是他入行以来最难演的作品，因剧情天马行空，要踏实去演并不易，连最弱的跳舞都要豁出去跳，「明知自己弱项，so what！？我系要将个感觉跳出嚟。」讲到最难演场口，曾全裸演出电影《晚九朝五》的阿Mo，认为是跟谭凯琪裸泳的一场，「我都冇裸泳好耐，哈哈！我系几欣赏阿Joe（监制陈维冠）度到呢啲情节出嚟，平时唔会做慨嘢，拍剧可以放胆去做，咁咪可以撞到啲嘢出嚟，渠系挑战我底线，我连底裤都除埋，哈哈！」他自爆是他主动提出，拍摄时要交代除埋底裤先有喜感。
抗拒同老婆成日合作
入行29年，阿Mo仍想不断挑战自己，谈到早前夫妻档合拍新剧《罗密欧与祝英台》，他承认好唔惯亦有点抗拒，「我哋私底下以真实对话去讲嘢，角色讲慨嘢唔同我哋平时讲慨嘢，即系带住面具讲嘢，会有少少唔习惯。」虽然过程愉快，但阿Mo唔希望再有下次，「我哋不嬲都冇拗撬，工作更加冇𠻹！但我觉得够㗎嘞！我同老婆慨关系比较需要去保护，同埋太多合作观众都会腻，亦难分别现实定戏剧世界，Aimee都想追求梦想，应该多啲同其他演员合作会好啲。」阿Mo透露Aimee会放低工作回归家庭，除非遇到好合适剧本。
放假至6月的阿Mo，继早前一家五口去泰国度假后，亦将重启因疫情冇去4年的二人世界之旅。他承认跟太太单独相处很重要，「每个家庭父母子女系一个关系，夫妇系另一个关系，要花时间精神先可以维系到，唔维持会不断下滑，一定要拍吓拖，令两个人关系更好。」维系方法包括过时过节必需互送礼物，「呢个系唔变得，花同礼物系分开㗎，哈哈！唔系礼物贵定平，心意同出发点紧要啲，想感情维系得好大家都要付出。」
做返自己活得好开心
除了二人世界及互送礼物外，阿Mo认为维系夫妻感情，首要切勿破坏关系，「好简单闹交受到攻击，嬲就会反击，讲啲攻击性说话，向渠弱点系咁『锐』落去，呢啲咪会破坏关系，我同Aimee从来唔会发生呢样嘢，要冷静保持沟通，反而站喺对方立场尽量去谅解、包容，沟通就唔可以避免，透明真系一样好重要慨嘢，千祈唔好保留任何秘密，所有嘢一定要透明。」他跟Aimee每日都会互相「报告」经历的大小事，「总之大家愈透明就愈好，等如做艺人都一样，要快手畀观众知道你系一个咩人，自己又觉得开心啲，会free好多，男女朋友关系都一样，你愈保持秘密，对方同你慨隔膜会慢慢增加。」
阿Mo承认「透明」这一招，是他跟Aimee成功入屋，储落大量观众缘的主因，「我觉得艺人都千祈唔好塑造一个偶像畀观众睇，因为偶像系会穿㗎！哈哈！当渠哋发觉偶像同真人唔一样，仲唔穿崩？！你可以hold得几耐先，𠵱家观众睇艺人要知道晒全部，镜头以外系点样，基本上系睇晒你慨人生，系冇得避慨，你愈早做返自己，你咪可以过得好啲啰！我哋free咗好耐，之前我哋好担心公开细路仔个样，到我哋抛开呢个思想仲开心。」所以他在街上遇到粉丝求合照，绝对来者不拒，「人哋想同你影相，因为唔知几时再撞到你！冇乜所谓啫！」
